এই পৃষ্ঠাটোৰ বৈধকৰণ হৈছে
৩৬
উদ্যোগপৰ্ব্ব।
সৰ্ব্বকালে জানো তুমি পুৰুষ বিষম।
আজি কেনে ভৈলা দদা নপুংসক সম॥
বৃকোদৰ বদতি শুনিয়ো দামোদৰ।
নতুগুচে পৰাক্ৰম দুৰ্জয় ভীমৰ॥১৫৭
শৰীৰতো বল আছে আছে গদাঘোৰ।
লোক অপবাদত তথাপি ভয় মোৰ॥
লোকে হেন বুলিবে কপটি বৃকোদৰ।
সবাকাৰ দোষ লেখে মিলে ভায়েকৰ॥১৫৮
ভীষ্ম দ্ৰোণ সমস্তে সুহৃদ আপোনাৰ।
তেসম্বো বুলিবে ভীম কিনো দুৰাচাৰ॥
ধনঞ্জয়ে বোলন্ত আমাৰো হেন মতি।
অলপৰ নিদানে দন্দুৰা কথতি॥ ১৫৯
একে থানে জন্ম সবে কুৰু পাণ্ডু কুল।
দুয়োঘৰ তোমাৰ কুটুম্ব সমতুল॥
দুয়োঘৰে কুশলে থাকিবো চিৰকাল।
তুমি যাৰ কুটুম্ব তেবেতো তাৰ ভাল॥ ১৬০
নকুল বদতি দদা শুনা দামোদৰ।
যেন মতে তোমাৰ মনৰ ৰুচিকৰ॥
সিবেলাত যেন হোয়ে অবস্থা বিহিত।
তেনে তেনে কৰিবা তোমাৰ মনোনীত॥.১৬১
