এই পৃষ্ঠাটোৰ বৈধকৰণ হৈছে
২৯
অসমীয়া মহাভাৰত।
একো কালে কপটিত নকৰি বিশ্বাস।
আনক বাকলি দিয়া আপুনি ভুঞ্জে সাশ॥
চোৰক ভাণ্ডাৰ লুভিয়োক হাণ্ডি হাল।
বৈৰ সমে ইষ্টদান ৰহে চিৰকাল॥১২২
অৰ্জ্জুন সহিতে আছে ইষ্ট দামোদৰ।
আছোক শৰণ নাম নুশুনো কৃষ্ণৰ॥
বৈশম্পায়ন বদতি শুনিয়ো নৰেশ্বৰ।
আত অনন্তৰে কথা শুনা পাণ্ডৱৰ॥১২৩
যুদ্ধত উদ্যোগ পাণ্ডৱৰ বীৰ গণ।
অস্ত্ৰ শস্ত্ৰ ধৰি ফুৰে আনন্দিত মন॥
ধৃষ্টদ্যুম্ন শিখণ্ডি বিৰাট যুযুধান।
নৃপতিৰ সমাজত ভৈল এক থান॥১২৪
পাছে ভীমেসেন নকুল সহদেৱ দুই।
সমাজত বসিলন্ত একস্থান হুই॥
যুধিষ্ঠিৰ নৃপতি বসিলা সেহিথানে।
মাধৱে পাৰিয়া দিলা দিব্য সিংহাসনে॥১২৫
যুধিষ্ঠিৰে মাধৱক দিয়াইলা আসন।
সেহিবেলা অৰ্জ্জুন তহিত উপসন॥
সমাজে প্ৰবেশ দেখি তিনি মহাবল।
গাৱচালি উঠিলেক সমাজ সকল ॥ ১২৬
