এই পৃষ্ঠাটোৰ বৈধকৰণ হৈছে
২৮
উদ্যোগপৰ্ব্ব।
বিচাৰত তেহোঁ নৰ নাৰায়ণ সাৰ।
কৃষ্ণ ধনঞ্জয় ৰূপে ভৈলা অৱতাৰ॥
পৃথিবীৰ ভাৰ সংহৰিবে মন কৰি।
বধিবন্ত দুষ্ট দৈত্য দেৱতাৰ অৰি॥ ১১৭
ধৃতৰাষ্ট্ৰ বোলে কৃষ্ণ ধনঞ্জয় মানো।
তই যে জানস মই কিসক নজানো॥
সঞ্জয়ে বোলন্ত মোৰ নাহিকে শকতি।
সৰ্ব্বদায়ে পুত্ৰ গৃহবাসে আশকতি॥১১৮
সিকাৰণে মাধৱক নজানাহা তুমি।
ভকতি প্ৰবলে গোবিন্দক জানো আমি॥
ধৃতৰাষ্ট্ৰ বদতি শুনিয়ো দোৰ্য্যোধন।
সঞ্জয়ে কহিলে শুনো কৃষ্ণ নাৰায়ণ॥ ১১৯
কৃষ্ণত শৰণ লৈয়ো কায় বাক্য মনে।
তেবে আমাঠেৰ দিকি হৈব নাৰায়ণে॥
কৃষ্ণক আনিলে পাণ্ডৱক ঐতে পাই।
ধেনুক বান্ধিলে যেন বৎস তৈকে যাই॥ ১২০
হেন শুনি দোৰ্য্যোধনে দিলন্ত উত্তৰ।
সৰ্ব্বকালে কৃষ্ণ কুট কপটৰ ঘৰ॥
বাহিৰেও কলীয়া ভিতৰে তাৰ কাল।
কপটিত শৰণ লৈলেও নাই ভাল॥ ১২১
