এই পৃষ্ঠাটোৰ বৈধকৰণ হৈছে
৩০
উদ্যোগ পৰ্ব্ব।
সম্ভাসা কৰিলা মাতি যাক যেন মত।
যুধিষ্ঠিৰে প্ৰথমে বসিলা আসনত॥
ৰাজাগণ পাছে বসিলেক স্বকিথান।
একাসণে বসিলা অৰ্জ্জুন নাৰায়ণ॥.১২৭
পাণ্ডৱক উপাসি গৌৰবে বীৰবল।
বাসৱক বেঢ়ি যেন ত্ৰিদশ সকল॥
শুনি আছে সকল সমাজ নিৰন্তৰে।
যুধিষ্ঠিৰে কৃষ্ণক মাতিলা ধীৰে ধীৰে॥ ১২৮
ইতো দুঃখ নিকাৰ সহিবো কত কত।
দেখা দেখা কৃষ্ণ পাণ্ডৱৰ দুঃখ যত॥
মহাকুট পাশে দোৰ্য্যোধন দুৰাচাৰ।
চলে বলে ৰাজ্য কাঢ়ি লৈলেক আমাৰ॥১২৯
অদ্যাপিয়ো থিৰ নুহি উদবেগ মতি।
দৰিদ্ৰৰ আশা যেন শাকে অন্নে ৰতি॥
ধনৱন্ত প্ৰাণীৰ সি জয় সবে ধৰ্ম্ম ।
দিলে থলে তাহাক সবেও কৰে মৰ্ম্ম॥১৩০
সহস্ৰ অসংখ্য ধন থাকয় যাহাৰ।
দুগুণেও সুগুণ সকলে গুণতাৰ॥
এতেকে মাধৱ দুঃখি জানিবা আমাক।
ধনৱন্ত দোৰ্য্যোধন জানিবা তাহাক॥১০১
