এই পৃষ্ঠাটোৰ বৈধকৰণ হৈছে
২৭
অসমীয়া মহাভাৰত।
ঘোৰ সমৰত কোন জন হইবে জয়।
স্বৰূপ কৰিয়া মোত কহিয়ো সঞ্জয়॥
এতহন্তে লগতে অসংখ্য শিষ্য গণ।
সমাজক অসিলন্ত মুনি দ্বৈশম্পায়ণ॥১১২
ব্যাস আসিবাৰ শুনি ধৃতৰাষ্ট্ৰ ৰাই।
সুবৰ্ণৰ সিংহাসন দিলন্ত বঢ়াই॥
পাদ্য অৰ্ঘ দিলা সঞ্জয়ক অনুমতি।
অনন্তৰে ধৃতৰাষ্ট্ৰ ব্যাসত বদতি॥১১৩
শুনা শুনা পিতৃ যে স্বৰূপ বাৰ্ত্তা মোৰ।
কৌৰৱে পাণ্ডবে যুদ্ধ মিলিবে দোৰ্ঘোৰ॥
কোনে যুদ্ধ জিনিবে হাৰিবে কোনে ৰণ।
শুনি ব্যাসে সঞ্জয়ক বুলিল বচন॥ ১১৪
ধৃতৰাষ্ট্ৰে যি সুধিলা শুনিলোহো আমি।
আমাৰ আদেশে আক কহিয়োক তুমি॥
সঞ্জয় বদতি ধৃতৰাষ্ট নৃপবৰ।
শুনিয়োক কহোঁ কোনে জিনিবে সমৰ॥১১৫
ক্ষমা দয়া লজ্জাত যাহাৰ তুষ্ট মতি।
ধৰ্ম্ম বিনে অধৰ্ম্মত যাৰ নাই ৰতি॥
ধৰ্ম্মত থাকন্ত হৰি নছাৰন্ত সঙ্গ।
এতেকতে পাণ্ডৱৰ নাই ৰণে ভঙ্গ॥১১৬
