এই পৃষ্ঠাটোৰ বৈধকৰণ হৈছে
২৪
উদ্যোগপৰ্ব্ব।
প্ৰথমতে শিখণ্ডী মাধত দীৰ্ঘকেশ।
নীল বস্ত্ৰ পৰিধান শৰীৰ সুবেশ॥
কৃষ্ণ বৰ্ণ ঘোড়া কাউৰৰ ধ্বজ যাৰ।
ভীষ্মক বধিবে সেই কৰে অঙ্গীকাৰ॥৯৭
তানে ভাই ধৃষ্টদ্যুম্ম পুত্ৰ দ্ৰোপদৰ।
ত্ৰিশূল সমান তীক্ষ্ণ টোনে ভৰি শৰ॥
হৰ বৰ পাইল ধৃষ্টদ্যুন্ম নাম যাৰ।
গুৰু দ্ৰোণ বধক কৰন্ত অঙ্গীকাৰ॥৯৮
সমৰ উপেক্ষি কৌৰৱৰ দোষ সহি।
মহাক্ৰোধে ফোকাৰন্ত ভীম কাল অহি॥
দোৰ্যোধন আদি কৌৰৱৰ শত ভাই।
অঙ্গীকাৰ পুৰি ভীমে মাৰিবে কোবাই॥৯৯
দেৱতাৰ দুৰ্জ্জয় পৰম বলীআৰ।
পূজিলন্ত শঙ্কৰে বীৰত্ব দেখি যাৰ॥
হেন ধনঞ্জয় কৌৰৱক কোপ মনে।
সৰ্পে যেন ফোকাৰ তেজয় ঘনে ঘনে॥১০০
ধৃতৰাষ্ট্ৰ বদতি শুনিয়ো দোৰ্যোধন।
দুৰ্জ্জনৰ সঙ্গত দুষ্টালি তোৰ মন॥
কৰ্ণ দুঃশাসন যে শকুনি মুল পাত্ৰ।
তোক নষ্ট কৰিলেক তিনি জন মাত্ৰ॥১০১
