পৃষ্ঠা:উদ্যোগপৰ্ব্ব.djvu/২৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২৩
অসমীয়া মহাভাৰত।

নিলাজ সঞ্জয় বৰ তাৰ কথা কহে।
তাকে শুনি প্ৰণামন্তে ভীষ্ম পিতামহে॥
অৰ্জ্জুনৰ দিকি ভৈল তাকে শুনি পীতা।
ৰাজ্য দিবে বোলন্ত কৰিয়া মনে চিন্তা॥৯২
তাক শুনি ডৰুয়ান্ত বিদুৰ খুৰাই।
কূৰু নৃপতিৰ কেহো আটা নতুপাই॥
ভীষ্মে উঠি বোলে দুঃশাসন শুন শুন।
কতনো কহিবো কুৰু নৃপতিৰ গুণ॥৯৩
দুঃশাসন শকুনি প্ৰবল কৰ্ণ তুমি।
কোন যুদ্ধে পাণ্ডৱৰ কাঢ়ি লৈলা ভূমি॥
এক স্থান হুয়া পাত্ৰ মন্ত্ৰী যত লোক।
কৃষ্ণক নিন্দস তেহো কি কৰিলে তোক॥৯৪
পৰ্ব্বতক কিলালে হাতত দুঃখ পাই।
নাভাগয় শিলা তাৰ ভ্ৰুভঙ্গও নাই॥
অভিমানে এৰি পাপী মনে মনে গুণ।
ত্ৰিভুবনে পাণ্ডৱক সম আছে কোন॥৯৫
অৰ্জ্জুনৰ শৰে সবান্ধৱে যাইবি মৰি।
তোহোৰ লগত আমি ভৈলো শয়ন্তৰি॥
সঞ্জয় বদতি শুনা কৰ্ণ দোৰ্যোধন।
পাণ্ডৱৰ লগত অনেক ৰাজা গণ॥৯৬