এই পৃষ্ঠাটোৰ বৈধকৰণ হৈছে
২৫
অসমীয়া মহাভাৰত।
তিনিৰ বচন নুশুনিবি দুৰাচাৰ।
পাণ্ডৱক অৰ্দ্ধৰাজ্য দিয়ো আপোনাৰ॥
দ্ৰোণে শিখাইলন্ত অস্ত্ৰ শিখিলা সকল।
তৈসানিয়ো পৰাক্ৰম পাণ্ডৱ প্ৰবল॥১০২
আৰো দেৱতাৰ অস্ত্ৰ শিখিলা সম্প্ৰতি।
পাণ্ডৱক জিনিবেক কাহাৰ শকতি॥
অৰ্জ্জুনৰ প্ৰহৰে লভিয়া একে জোপে।
অনা যুদ্ধে ভঙ্গ দেন্ত ভীষ্ম দ্ৰোণ কৃপে॥১০৩
দোৰ্যোধন বদতি নকৰো কাতো গহ।
নালাগে যুজিবে দ্ৰোণ ভীষ্ম পীতামহ॥
একে মাত্ৰ সাধো কৰ্ণ থাকোক কুশলে।
শকুনি মোমাই দুঃশাসন মহাবলে॥১০৪
আপোনাৰ শত ভাই কৰিবো সমৰ।
পাণ্ডৱক লাগিমোৰ নাহিকয় ডৰ॥
গৰ্বরকৰি বোলো ঘোৰ সমৰক চেদো।
অঙুষ্ঠ প্ৰমান ৰাজ্য পণ্ডৱক নেদো॥১০৫
ভীষ্মে উঠি বোলে এতমান গহকাৰ।
দেৱতাৰ অংশ পাঞ্চ পাণ্ডুৰ কুমাৰ॥
আচোক মনুষ্য সম নোহে দেৱগণে।
পাণ্ডৱক ৰণত জিনিবে পাৰে কোনে॥১০৬
( ৩ )
