এই পৃষ্ঠাটোৰ বৈধকৰণ হৈছে
২২৪
উদ্যোগ-পৰ্ব্ব।
তেবে আজি সমস্তে দেখোক বিদ্যমান।
এতিক্ষণে শৰণে পশিয়ো মোৰ ঠান॥ ১০৪৩
তই যাক নপাৰস কৰো অঙ্গীকাৰ।
একেশ্বৰে কৌৰৱ কুলৰ চিন্তো মাৰ॥
ভীষ্ম দ্ৰোণ কৃপ আদি যত ৰাজাগণ।
একেশ্বৰে মাৰি মই দেঁও ৰাজ্য খান॥ ১০৪৪
বৈসম্পায়ন বদতি শুনিয়ো নৰেশ্বৰ।
ৰাজাগণে শুনিলেক বচন রুক্মৰ॥
ঘোৰ কৰ্ম্ম কৰিবেক ৰঙ্গ হুইয়া ৰৈল।
সেই বেলা ধনঞ্জয়ে বুলিবাক লৈল॥ ১০৪৫
ধনঞ্জয় বদতি শুনিয়ো ৰুক্মবীৰ।
হুইতো তই পৰাক্ৰমী নিৰুজ শৰীৰ॥
কিন্তু মোক জানিবি কৌৰৱ কুলে জাত।
যাৰ সখি দামোদৰ আছয় যাহাত॥ ১০৪৬
দ্ৰোণ শিষ্য মহেশৰ অস্ত্ৰ আছো পাই।
লগত গাণ্ডীৱ ধনু আছন্ত সদাই॥
দেৱাসুৰ নৰ যাৰ শবদতে ভাগে।
কিমতে বুলিবো কৌৰৱক ভয় লাগে॥ ১০৪৭
কুম্বীৰ গৰ্ভত বাসৱৰ বীৰ্য্যে জাত।
অগ্নিদত্ত চাৰি ঘোৰা পয়ান সাক্ষাত॥
