এই পৃষ্ঠাটোৰ বৈধকৰণ হৈছে
২২৩
অসমীয়া মহাভাৰত।
ত্ৰৈলোক্য বিজয় ধনু আপোনাৰ হাতে।
পৰম প্ৰচণ্ড যেন বাসৱ সাক্ষাতে॥ ১০৩৮
কৃষ্ণৰ কুটুম্ব তুমি জানো অভিপ্ৰাই।
সি কাৰণে হৈবা তুমি আমাৰ সহাই॥
বৈশম্পায়ন বদতি শুনিয়ো নৰেশ্বৰ।
হেন শুনি ৰুক্মবীৰে দিলন্ত উত্তৰ॥ ১০৩৯
হুইতো মহাৰাজা আসি আছো তযু ঠাই।
কুটুম্ব সম্বন্ধে হুই আমিয়ো সহাই॥
কিন্তু মোৰ কথা শুনা অভিপ্ৰায় খানি।
মই যেন ৰাজা তাক ত্ৰিভুবনে জানি॥ ১৩৪০
সাক্ষাততে মাধৱ জানন্ত বল মোৰ।
ৰুক্মিণী হৰণে যেন যুদ্ধ ভৈল ঘোৰ॥
প্ৰচণ্ড বিক্ৰম মোৰ শৰ গুৰুত্তৰ।
সম্মুখ সমৰে হাৰিলন্ত দামোদৰ॥ ১০৪১
অন্যায় কৰিয়া মোৰ হৰিলা ৰুক্মিণী।
ইটো কথা মাধৱত পুছিয়ো আপুনি॥
অনন্তৰে অৰ্জ্জুনক মাতে ৰুক্মে পাচে।
সভা মাজে বসি ৰাজাগণ শুনি আছে॥ ১০৪২
রুক্মবীৰ বদতি শুনিয়ো ধনঞ্জয়।
কুরু সমুদ্ৰত জানিয়াছো তোৰ ভয়॥
