এই পৃষ্ঠাটোৰ বৈধকৰণ হৈছে
২২৫
অসমীয়া মহাভাৰত।
যাহাৰ অক্ষয় টোন নাহি ক্ষয় হয়।
যাৰ পাসে কাল কুঞ্জ গণৰ প্ৰলয়॥ ১০৪৮
ক্ষুদ্ৰ সম কুৰু সৈন্যগণ মোৰ আগে।
সমৰতে কিসক বুলিবো ভয় লাগে॥
যিটো ভীষ্মে জগত জিনিলা অপ্ৰয়াসে।
পৰ্শুৰামে হাৰিয়া পলাইল যাক ত্ৰাসে॥ ১০৪৯
ত্ৰিভুবনে পৰাক্ৰমী গুৰু দ্ৰোণ কৃপ।
একোবাৰে জম্বুদ্বীপ পাৰে জিনিবাক॥
লক্ষে লক্ষে নৃপতি সকলে যাৰ পাশে।
তাহাক জিনিবো ইটো শৃগালক আশে॥ ১০৫০
এভো বেলে পাপী তোৰ যুদ্ধক নলাগে।
গৃহক ফিৰিয়া চল শুই থাক লাগে॥
হেন শুনি ৰুক্মবীৰ নৰহিল তথা।
চলি গৈলৰাজা দোৰ্য্যোধন আছে যথা॥ ১০৫১
সাগৰ সঙ্কাশ নিজ সেনাগণ লই।
দোৰ্য্যোধন নৃপতিক বচন বোলই॥
দোৰ্য্যোধন আগত ৰুক্ময়ে বোলে বাক।
ত্ৰিভুবনে যেন বীৰ চিনিবি আমাক॥ ১০৫২
থাকন্তোক ভীষ্ম দ্ৰোণ আনো ৰাজাগণে।
পাণ্ডৱত ভয়ে মোক পশিয়ো শৰণে॥
