এই পৃষ্ঠাটোৰ বৈধকৰণ হৈছে
২২২
উদ্যোগপৰ্ব্ব।
তিনি অক্ষৌহিনী সেনা সহিতে জণ্টাই।
পাণ্ডৱৰ ঠানে গৈলা পৃথিবী কম্পাই॥ ১০৩৩
সৈন্যৰ মহলা কৰি পাণ্ডৱ আছন্ত।
দুণ্ডুভি শবদ কতো দূৰে শুনিলন্ত॥
মাধৱে সহিতে সবে নিহালিয়া ৰইল।
ৰুক্মবীৰ আসে কতো দূৰে ভেট পাইল॥ ১০৩৪
ভয়ঙ্কৰ জলে আতি বাসৰ সমান।
ত্ৰিভূবনে প্ৰচণ্ড ধৰিছে ধনু খান॥
তপৰ প্ৰভাৱে আতি ভয়ঙ্কৰ জ্বলে।
দেখি মহাভয় ভৈল পাণ্ডৱ সকলে॥ ১০৩৫
পাণ্ডৱৰ বীৰগণ সাৱধান ভৈলা।
অস্ত্ৰ শস্ত্ৰ ধৰি সবে বাৰু পাতি ৰৈলা॥
দেখি ৰুক্মবীৰে পাচে পঠাইলেক চৰ।
ঘোৰৰণে সখা আজি ভজিবো তোমাৰ॥ ১০৩৬
শুনি যুধিষ্ঠিৰে আগ বাঢ়ি আনিলন্ত।
ৰুক্মবীৰ আসি সমজ্যাত পশিলন্ত॥
সিংহাসন দিয়াইলা নৃপতি যুধিষ্ঠিৰ।
সসৈন্যে সহিতে ৰহিলন্ত মহাবীৰ॥ ১০৩৭
পাচে যুধিষ্ঠিৰ ৰাজা কৰি সতকাৰ।
পুছিলা কিকাৰ্য্যে আইলা পাশক আমাৰ॥
