এই পৃষ্ঠাটোৰ বৈধকৰণ হৈছে
২১০
উদ্যোগ পৰ্ব্ব।
সিন্দুৰে মন্দিত গণ্ড প্ৰকাশয় আতি।
মেঘ মণ্ডলত যেন বিদুলীৰ পান্তি॥ ৯৭৩
ঘোৰা সব চলিল সুবৰ্ণ মালা গলে।
ৰাহুতে ডাকন্তে দেখি উৰি যেন চলে॥
অনেক সহস্ৰ ৰথ চলিলেক কাছি।
ঠানে ঠানে অস্ত্ৰ তাতে বাছি লাত বাছি॥ ৯৭৪
দোৰ্য্যোধন ৰাজা পৰ দিবসত যাই।
আগে পাচে ভীষ্ম দ্ৰোণ অধিকে সুৱাই॥
নাহি সীমা সংখ্যা যত নৃপতি সকল।
সৈন্যৰ আন্দোলে মহী কৰে টলবল॥ ৯৭৫
গজ ৰাজী সহিতে সসৈন্যে পৰিহৰি।
বলি যেন ইন্দ্ৰৰ পুৰক দিলে ধৰি ॥
সেহি মতে ৰাজা দোৰ্য্যোধন চলি যাই।
কুৰুক্ষেত্ৰে ৰহিলা সমৰ ভূমি পাই॥ ৯৭৬
গঢ় পাঞ্চি কৰিলেক ৰাজাৰ মন্দিৰ।
হস্তীশালা অশ্বশালা গৃহ নৃপতিৰ॥
ভীষ্ম দ্ৰোণ কৰ্ণৰ মন্দিৰ বিটোপন।
সেনাগণ সমস্তে ৰহিলা ঠানে ঠান॥ ৯৭৭
ৰাজাগণ আগে দোৰ্য্যোধন নৰপতি।
কৰযোৰে ভীষ্মৰ আগত নিগদতি॥
