এই পৃষ্ঠাটোৰ বৈধকৰণ হৈছে
১৭৩
অসমীয়া মহাভাৰত।
কুন্তী বোলে না বাপু বচন আমাৰ।
নোহা অধিৰথি পুত্ৰ ৰাধাৰ কুমাৰ॥৮০৫
ইটো কথা অজিজ্ঞাসি বোলাহা নুগুণি।
শামুকত মাণিক আছস কৈত শুনি॥
সাৰথিৰ কুলে জাত অধিৰথি পাপ।
কৌৰবৰ সেবক তোমাৰ নুহি বাপ।৮০৬
নুহি ৰাজ বধু কৌৰবৰ সেৱকিনী।
দুৰাচাৰী ৰাধা নুহি তোমাৰ জননী॥
তযু জন্ম কহোঁ নকৰিবা অপমান।
মাৱে পোৱে এৰা এৰি দৈবেৰ নিদান॥৮০৭
তব পিতৃ দিবাকৰ আদিত্য সাক্ষাত।
কন্যাকালে আমাৰ গৰ্ভতে ভৈলা জাত॥
যেন অধিৰথি পাই তুলিলে তোমাক।
শুনা বাপু কহোঁ আবে ইসব কথাক॥৮১৮
সুৰসেন ৰাজা কুন্তভোজ নৰপতি।
সখিত কৰিলা দুয়ো মহা মিত্ৰ অতি॥
সুৰত জন্মিলো মই আৰু কন্যাচয়।
বাসুদেৱ আদি কৰি সুৰৰ তনয়॥৮০৯
দৈব যোগে কুন্তভোজ অপুত্ৰক ভৈলা।
এখানি তনয় সুৰসেনত মাগিলা॥
