এই পৃষ্ঠাটোৰ বৈধকৰণ হৈছে
১৭০
উদ্যোগ পৰ্ব্ব।
তেসম্বে ৰণত পৰি হইবেক নিৰ্জ্জান।
আত পৰে কোন দুঃখ আছে মোৰ আন॥৭৯০
পৰম দুঃখিত মোৰ পাঞ্চুতি তনয়।
তাসম্বাৰ কাৰো মুখ নেদেখিলো মই॥
মহা ঘোৰ সমৰক অভিলাষ মনে।
কৃষ্ণে সমে পাঞ্চো ভাই সাজিবে যতনে॥৭৯১
কুৰুগণ মধ্যে দ্ৰোণ কৰ্ণ পিতামহ।
দোৰ্য্যোধন ৰাজাৰ তিনি মাত্ৰ গহ॥
ত্ৰিভুবনে প্ৰচণ্ড যুদ্ধত অগ্ৰগণি।
কৌৰৱৰ অৰ্থে জানো যুজিবন্ত তিনি॥৭৯২
এসম্বে যদ্যপি মোৰ মাৰে পুত্ৰ চয়।
তেবে নিদাৰুণী কোন পুৰী যাইবো মই॥
নজানো আপোন পৰ সকলে সমান।
এগুটি মৰিলে মই নধৰিবো প্ৰাণ॥৭৯৩
অনুমানে জানো মই দ্ৰোণৰ হৃদয়।
পাণ্ডবকে পুত্ৰকে দেখন্তে একেময়॥
বলে পাৰি নমাৰিবে মোৰ পুত্ৰ গণ।
ইঙ্গিতে জানিছো গুৰু দ্ৰোণৰ যে মন॥৭৯৪
কোলে বুকে তুলি আছে মহা স্নেহে আতি।
পাণ্ডবক ভীষ্মে নমাৰিবে বুলি নাতি॥
