এই পৃষ্ঠাটোৰ বৈধকৰণ হৈছে
১৪২
উদ্যোগপৰ্ব্ব
যাৰ ক্ৰোধ শুনন্তে আমাৰ মনে ভীত।
ভীষ্মক দ্ৰোণক যিটো নকৰে ইঙ্গিত ॥৬৫০
বীব ধনঞ্জয় যাক নুহি পটন্তৰ।
ভাগিন বুলিয়া আদৰন্ত গদাধৰ॥
সিংহেও দিলেক যেন মৃগক জলক।
যি বেলাত ৰথে চৰি ধাৱে কৌৰবক॥৬৫১
যত দুঃখ দিয়া আছে কৌৰব সকল।
ঘোৰ শৰে সবাকে দিলন্ত তাৰ ফল॥
তেবে সিকালত পাপমতি দোৰ্যোধনে।
শকুনিক গালি পাৰিবেক দুঃখমনে॥৬৫২
যিবেলাত ধমঞ্জয় ইন্দ্ৰৰ কুমাৰ।
বানৰ ধ্বজক তুলি ৰথে পয়োসাৰ॥
প্ৰাণ সখি মাধবে ডাকিবে চাৰি হয়।
যিবেলাত অৰ্জ্জুনে ৰণভুমি প্ৰবেশয় ॥৬৫৩
মহাক্ৰোধে কৌৰব সমুদ্ৰে দিবে বুৰ।
সৰ্পচয় বিনাশয় যিমতে গৰুড॥
সেইমতে কৌৰবক বিচাৰি বিচাৰি।
যম পূৰ ভৰাইবন্ত সবাহাঙ্কে ধৰি॥৬৫৪
তেবে দোৰ্য্যোধনে কৰ্ণ শকুনিক নিন্দি।
কৃষ্ণৰ বচন সুমৰিবে কান্দি কান্দি॥
