এই পৃষ্ঠাটোৰ বৈধকৰণ হৈছে
১৪০
উদ্যোগ পৰ্ব্ব।
দেখিয়ো বিদুৰ বাপু পাণ্ডৱ বিনীত॥
সৰ্ব্বকালে গুৰু গৌৰৱত বৰহিত॥৬৪০
সহিলেক কৌৰৱৰ দোষ চিৰকাল।
তভো দোৰ্য্যোধন বাপু লগাইলে ঘঞ্চাল॥
ক্ৰোধ বাক্য বিসৰ্জি কালত যুধিষ্ঠিৰে।
সমৰত কুৰু কুল অৰণ্যত এৰে॥৬৪১
সিকালত দোৰ্য্যোধন হুইবে দৰ্পহানি।
ঘনে ঘনে স্মৰিবা কৃষ্ণৰ বাক্য খানি॥
যিকালত ক্ৰোধে বৃকোদৰ মহাযশি।
ক্ষুদ্ৰ কুৰু নৃপতি বোলন্ত যেন হাসি॥৬৪২
ৰণ ভূমি নসহিব দিব ঘোৰ ৰিঙ্গ।
ভয়াতুৰ শিশুৰ মধ্যত যেন সিংহ॥
ঘোৰ গদা তুলি ধৰি শৰীৰৰ বলে।
যিকালত ক্ৰোধ মনে কৌৰৱ নিস্খলে॥৬৪৩
সিকালত দোৰ্য্যোধনে নিন্দি সমৰত।
গৰিহা কৰিবে মনে শকুনি কৰ্ণক॥
যিকালতে সমৰে নকুল মহাকাই।
সমৰক আসে ঘোৰ পৃথিবী কম্পাই ॥৬৪৪
ধনু ধৰি অৰ্দ্ধ চন্দ্ৰ শৰ এক পাতে।
একেলগে এককোটি কৌৰৱক কাটে॥
