এই পৃষ্ঠাটোৰ বৈধকৰণ হৈছে
১৩০
উদ্যোগ পৰ্ব্ব
কৌৰৱ পাণ্ডৱ পঞ্চাধিক ভাই শত।
একেলগে সবেয়ো বসিবো আসনত॥৫৯৯
নানাবিধ উপহাস কুতুহল সহে।
দেখি ৰঙ্গ কৰিবন্ত ভীষ্ম পিতামহে॥
ধৃতৰাষ্ট্ৰ পিতা মোৰ গান্ধাৰিণী আই।
পিতামহ ভীষ্ম দ্ৰোণ বিদুৰ খুৰাই॥৬০০
আনো জাতি সমে ৰঙ্গ কৰিব বিস্তাৰ।
দুৰাচাৰ পাপী কৰ্ণ শকুনিত পৰ॥
তোমাৰ প্ৰসাদে প্ৰভু সিদ্ধি মনোৰথ।
সবে বন্ধু বান্ধৱক দেখিবো সতত॥৬০১
বৈসম্পায়ন বদতি শুনিয়ো নৰেশ্বৰ।
এহি বুলি যুধিষ্ঠিৰ কৌতুক বিস্তৰ॥
আনন্দৰ সীমা নাই প্ৰসন্ন বদন।
মাধবৰ মুখক চাহন্তে ঘনে ঘন॥৬০২
শুনি হৰি অল্প কৰি মাতিলন্ত পাছে।
চৌপাশে আবৰি ৰাজাগণে শুনি আছে॥
শুনা দদা যুধিষ্ঠিৰ কহোঁ মই সাৰ।
তিনি বিধ প্ৰাণী দেখা সকলে সংসাৰ॥৬০৩
সত্ব ৰজ তম প্ৰকৃতিৰ তিনি গুণে।
তিনি গুণে সবাহাৰ মতি ভিন্নে ভিন্নে॥
