পৃষ্ঠা:উদ্যোগপৰ্ব্ব.djvu/১২৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১২৯
অসমীয়া মহাভাৰত।

ধৃতৰাষ্ট্ৰ পিতা মোৰ গান্ধাৰিণী আই।
পিতামহ ভীষ্ম আৰো বিদুৰ খুৰাই॥৫৯৪
পৰোক্ষত এহি চাৰি মোক কি বুলিল।
কিবা দোৰ্যোধনে কিবা মোক প্ৰসংশিল॥
যাক স্মৰি মনৰ নুগুছে দুঃখ শোক।
কুন্তীমাৱে কি বুলিল তাক কহিয়োক ॥৫৯৫
পাণ্ডৱৰ অৰ্দ্ধ ৰাজ্য খুজিবাক প্ৰতি।
কৌৰৱৰ পাশে তুমি গৈলা যদুপতি॥
সিকাৰ্য্য সিজিল প্ৰভু তোমাৰ প্ৰসাদে।
কৌৰৱে কি আমাক দিলেক ৰাজ্য আদে॥৫৯৬
সিটো দোৰ্য্যোধনৰ মহত্ত্ব অদভুত।
মোক ৰাজ্য নেদিবাক প্ৰতিজ্ঞা বহুত॥
গুৰু পুৰোহিতৰ আগত বাৰম্বাৰ।
মোক ৰাজ্য নেদিবাক প্ৰতিজ্ঞা তাহাৰ॥৫৯৭
সঞ্জয়ৰ আগত কহিছা এহি খানি।
কৰ্ণ ভৰি আপুনি শুনিছা চক্ৰপাণি॥
দুৰাচাৰ পাপীষ্ঠ দুৰ্ম্মতি দোৰ্য্যোধন।
সিকি ৰাজ্য দিলে প্ৰভু তোমাৰ বচন॥
তোমাৰ প্ৰসাদে দুয়ো ঘৰে এক ঠাই।
ইটো তযু উপকাৰ সুজন নযাই॥