পৃষ্ঠা:আৰ্হি-চৰিত.djvu/৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


ধাৰী সকলে গৌৰৱান্বিত হব লাগে। তুমি এজন বিখ্যাত অসমীয়া গ্ৰস্থকাৰ, কবি, সম্পাদক, পৰীক্ষক, আসাম কাউন্সিলৰ অনাবেল মেম্বৰ প্ৰভৃতি কাৰ্য্য কৰি দেশৰ প্ৰকৃত উপকাৰ সাধিছ, আৰু এতিয়াও এই ব্ৰতত ব্ৰতী হৈয়েই আছ; আনকি তোমাৰ নিজৰ শৰীৰৰ সুস্থতালৈ তুমি কেৰাহিকৈয়ে চোৱা নাই। তুমি আমাৰ আশাতিৰিক্ত কাৰ্য কৰিলা, প্ৰকৃত দেশৰ উপকাৰী কাৰ্য কৰিলা আৰু কৰিছা, তাৰ বাবে নো তোক কি বঁটা দিম? সোণ-ৰূপ প্ৰভৃতি তোমাৰ উপযুক্ত পুৰস্কাৰ নহব। ইয়াকে ভাবি তোমাকেই বঁটা দিবৰ কাৰণে স্বৰ্গীয় ঘিণাৰাম বৰুৱা তোমাৰ পিতৃ-দেৱতাৰ জীৱনী লিখি তোমাক পুৰস্কাৰ দিলোঁ। মোৰ পৰা এই উপহাৰ তুমি অৱশ্যে এপাচি সোণ-ৰূপতকৈ অধিক মূল্যৰ বুলি ভাবি গ্ৰহণ কৰিব। এই পুথিখনিত বহুত লাগতিয়াল কথা এৰা পৰিবও পাৰে বা অলাগতিয়াল কথা

সোমাবও পাৰে, তাৰ বাবে বেয়া নাপাবা। জানি-

শুনি মই কোনো কথা এৰা নাই। তেনে এৰা ধৰা কিবা থাকিলে দেখুৱাই দিলে বঢ়াই টুটায় দিব পাৰে। অৱশেষত তোমাক ইমানকে ভৰসা কৰিছোঁ, যেন এই পুথি খনিক আদৰ কৰিব আৰু আনৰে যাতে আদৰৰ পাত্ৰ হয় তাৰে যেন চেষ্টা কৰিব। শিৱসাগৰ, আমোলাপটী ) তোমাৰ হিতাৰ্থী ১ মাঘ, শক ১৮ ৩৪। শ্ৰীফণীধৰ চলিহা।