এই পৃষ্ঠাটোৰ বৈধকৰণ হৈছে
১০৩
অসমীয়া ৰামায়ণ
খাণ্ডা হানি খণ্ড খণ্ড কৰোঁ আজিতোক।
বাপেৰে ৰাঘবে আসি তোহোক ৰাখোক॥
সহায় কৰিতে ভাল আসিলও তোক।
ৰাঘবৰ পক্ষহুয়া ভগৰাস মোক॥
প্ৰাণে যেবে জীবি তই মোৰ বোল কৰ।
নুহি এতিক্ষণে তোক নিবো যম ঘৰ॥
ৰামৰ শৰত তই মৰিতে ডৰাস।
মোহোৰ হাতত এতিক্ষণে হুইবি নাশ॥
যাইবি কি নযাইবি মোত কহ ঝাণ্ট কৰি।
নুহি হেৰা মাৰিপেশো যমেৰ নগৰি॥
হেন শুনি মাৰিচৰ হিয়া গৈলা কম্পি।
কোপমনে ৰাবণক বোলে পুনৰপি॥
মৰিবাক লাগি কৰা অনেক আচণ্ডি।
সুহৃদৰ বাক্য মোৰ বিষ হেন খণ্ডি॥
ৰামৰ হাতত পৰি সপ্ত স্বৰ্গ পাইবো।
ভাল ভৈল তোৰ শোক দুথ নেদেখিবো॥
সীতাক হৰিলে তোক পাইবে যম পাশ।
ৰাম যমে আস কৰিবেক সৰ্ব্বনাশ।
যতেক কৰিলি দেব দ্বিজক দুন্দুৰ।
ৰামৰ হাতত আটি মুটি হৌক চূৰ॥
