স্বৰ্গদেৱ চুহুম্মুং বা স্বৰ্গনাৰায়ণ
৬১
পোনতে কেইদিনমান তেওঁ মেটেকাত বগী বৰপোহাৰীৰ ঘৰত ৰৈছিলগৈ;তাৰ পাচত সহায় বিচাৰি তেওঁ নগা পৰ্ব্বতৰ ফালে যায়গৈ। গদা কোঁৱৰে তেওঁৰ ভাৰ্য্যা জয়মতী কুঁৱৰীক লাই আৰু লেচাই নামেৰে ছটি পুত্ৰৰে সৈতে ঘৰত এৰি গৈছিল (১)। ইফালে গদাপাণিৰ সন্ধান বাতৰি নাপাই ল'ৰা ৰজা ভয়ত বিহ্বল হ'ল। পিচে, তেওঁৰ ভাৰ্য্যা জয়মতীয়ে অৱশ্যে সেই সন্ধান জানে বুলি ভাবি, তেওঁক বাৰম্বাৰ সোধা হয়, কিন্তু জয়মতীয়ে তাৰ সঙ্কেতো নিদিলে। গতিকে, জয়মতীক শাস্তি দি গদাপাণিৰ বাতৰি উলিয়াবলৈ ৰজাই আজ্ঞা দিলে। কিন্তু, সেই শাস্তিৰ ভয় দেখুৱাতো জয়মতীয়ে স্বামীৰ সন্ধান দিবলৈ সদৰ্পে অস্বীকাৰ কৰিলে । তাৰ পাচত, ৰাজাজ্ঞানুসৰি কুকুৰাচোৱা চাওডাঙ্গে কুঁৱৰীক জেৰেঙা পথাৰলৈনি, তাতে কেপীয়া খুঁটাত বান্ধি, নানা শাস্তি কৰি গদাপাণিৰ বাতৰি সোধে। কিন্তু, জয়মতীয়ে নীৰৱে সকলো যন্ত্রণা সহি থাকে, তথাপি নিজৰ স্বামীৰ সম্পৰ্কে এবাৰো এটি কথাকে নকয়। নিতে ন-ন শাস্তি উলিয়াই চাওডাঙ্গে জয়মতীক ছয়-সাতদিন একেৰাহে শাস্তি কৰিও তেওঁৰপৰা গদাপাণিৰ বাতৰি উলিয়াব পৰা নাই, জয়মতীয়ে গদাপাণিৰ কথা নকয়। পিচে, সেই শান্তিৰ ৰাতৰি নগা পৰ্ব্বতত আঁতৰি থকা
ঘৰ গছৰ পাতৰে কৰি কাল যাপন কৰি আছিল।"**(তাতে গৈ ৰজাৰ মানুহে বেৰি ধৰাত ভাৰ্য্যাৰ কাকুতি মতে গদাপাণি অকলে হোৱাত) "নিৰ্দয় লোক গাভৰুক ধৰি শাস্তি কৰি বধ কৰিলে।” — হাকান্ত বৰুৱাৰ "আসাম বুৰঞ্জী” ৫৩–৫৪ পৃষ্ঠা। কিন্তু, এই বিবৃতি আন কোনো বুৰঞ্জী বা জনশ্ৰুতিত পাবলৈ নাই।
(১) দুতিৰাম হাজৰিকীয়াৰ “অসমৰ পদ্য-বুৰঞ্জীত" জয়মতী-গদাপাণিৰ জিয়ৰী এটিও ৰাজাজ্ঞানুসাৰে চাওডাঙ্গে শাস্তিতে মাৰিলে; যেনে,-
“ৰাজা বোলে হোক নাপাইলিহি ফিৰি ঘূৰি।
শীঘ্ৰ কৰি আন যাই ভাৰ্য্যা-পুত্ৰী ধৰি।।"
* * *
"একখানি জীয়া আছে বহু আদৰৰ ।
পিতৃৰো আছিলা স্নেহ কন্যাতে সে বৰ।।”
* * *
"ৰাজকুমাৰীকো শাস্তি মাতৃৰ লগত ।
দেখায়া দিয়োক তোমাসাৰ পিতৃ কৈত।।”
* * *
“নভৈলেক মায়া কিছু দণ্ড কৰে ধৰি ।
সহিবে কিমতে তিনি দিনে গৈলা মৰি ।।"
-ৰায়বাহাদুৰ সূৰ্য্যকুমাৰ ভূঞা সম্পাদিত ৺দুতিৰাম স্বর্ণকাৰ হাজৰিকীয়া বিৰচিত "অসমৰ পদ্য বুৰঞ্জী", ১৩–১৪ পৃষ্ঠা । * * *
“পদ্য-বুৰঞ্জী”ত লাই-লেচাইকো বাদ দিয়া নাই যেনে -
"আয়ু পাত ভৈল পৰলোকে গদাধৰ।
লাই-লেচাই দুই পুত্ৰ ৰৈলা তাৰ।।"
-
"পদ্য-বুৰঞ্জী",৪০ পৃষ্ঠা
এতেকে, 'গৰ্ভে সৈতে' ধৰি জয়মতী গদাপাণিৰ চাৰিটি সন্তান লেখত উঠে; কিন্তু ই কবিতাৰ কল্পনা নে বুৰঞ্জীৰ তথ্য,ঠাৱৰকৈ কব পৰা নাই এথোন
