এই পৃষ্ঠাটোৰ বৈধকৰণ হৈছে
কবি ৰবীন্দ্ৰ নাথ।
শলাগোঁ আদৰোঁ সম্মানো তোমাক
বঙ্গমুকুট ৰবীন্দ্ৰ তুমি;
কুৰি শতিকাৰ কবি শিৰোমণি
কবি ৰবীন্দ্ৰ কবীন্দ্ৰ তুমি।
দেখিলে ভাৰতে দেখিলে জগতে
জ্ঞান গৰিমা প্ৰভাৱ তোমাৰ,
মানিলে লভিলে সাৰ্থক জগতে
গুণৰ যহতে হেৰা তোমাৰ।
জ্বলিছে ৰেঙাইছে ভাৰত ৰবি
ভাৰত কত লীন আশায়;
ভাবিছে গুণিছে লেখিছে মনত
ন ন পুত্ৰ বেগাই ঘনাই।
গুণী, মানী, দানী, কবি ৰবি তুমি
অশেষ অসীম শক্তিশালী;
ভোগী, সুখী, তুমি নিজ উদ্দেশ্যত
তুমি প্ৰখৰ প্ৰতিভাশালী।
তুমি কবিবৰ গৌৰব জাতিৰ
গৌৰব বিশ্ব ভূমণ্ডলৰ ,
গৌৰব পবিত্ৰ প্ৰকৃতি দেবীৰ
গৌৰব বিহঙ্গ কুৰঙ্গৰ।
