এই পৃষ্ঠাটোৰ বৈধকৰণ হৈছে
দামোদৰ দ্বিজ।
—০০০—
মহাভাৰত-শল্যপৰ্ব্ব।
দুলড়ী।
জয় জনাৰ্দ্দন পুৰুষ পুৰাণ,
ভক্ত জন ভয়হাৰী ৷
পুতনা শোষণ অঘ বিনাশন,
প্ৰণামো দেৱ মূৰাৰি॥
নমো হৃষিকেশ তব পদে দাস,
তোমাক কৰি প্ৰণতি ৷
বিপ্ৰদামোদৰ কৰি মহাকেলি,
কৌতুহলে নিগদতি॥
যত লোক চয় দ্বিগজ পৰায়,
নাপায়া ইহাৰ মৰ্ম্ম৷
জানি বা নাজানি পদনিবন্ধিলোঁ
মহন্তৰ ক্ষমা ধৰ্ম্ম॥
জানি সভাসদ নুবুলিবা মন্দ
মই অধমক প্ৰতি৷
কৃষ্ণ কথা জানি শুনা সৱে প্ৰাণী,
হৰি পদে দিয়া মতি॥
বদতি সঞ্জয় শুনা মহাশয়,
ধৃতৰাষ্ট্ৰ নৰেশ্বৰ৷
কৃষ্ণ-পাণ্ডৱৰ ভৈলা ঘোৰ ৰণ,
যথা দেৱ অসুৰৰ॥
