এই পৃষ্ঠাটোৰ বৈধকৰণ হৈছে
১১০
অদ্ভুত ৰামায়ণ।
সেনাগণে বোলে তয় হেন কি কহস।
নজান কি তয় যতে দ্ৰোহ কৰিছস॥৪৪
ব্ৰতেশ্বৰী দেবীৰ মাৰিলি সেনাগণ।
সেহি দোষে দেবী তোক মাৰিবাক মন॥
আমাক পাঞ্চিছে তোক বধিবো নিশ্চয়।
হেন শুনি বুলিলন্ত পবন তনয॥৪৫০
শুনা সেনাগণ আবে আমাৰ বাক্যক।
তুমি সব হোৱা যেবে দেনীৰ কটক॥
ব্ৰতেশ্বৰী দেবীৰেসে পুত্ৰ ময় সাৰ।
এতেকে জানিবা সেনা তুমিয়ো আমাৰ॥৪৫১
নাহিকে প্ৰত্যয় যেবে একজন যাহা।
সত্য কি অসত্য গোসাঁনীত পুছি চাহা॥
সেনাগণে বোলে শুন বানৰ বৰ্ব্বৰ।
মাণিক্যৰ ক্ষেত্ৰে জন্ম হয় কি কাচৰ॥৪৭২
চাপ চুপ কৰ বেটা পলাইবাৰ তৰে।
খানিতেক ৰহস পথাওঁ যমঘৰে॥
মাৰুতি বোলয় আবে মোত দোষ নাই।
আত্মঘাত কৰি নাগ সেনা মৰি যাই॥ ৪৫৩
তোৰা কোন বস্তু বোল হেন প্ৰত্যুত্তৰ।
মুত্ৰ কৰি উটুৱাইবে পাৰো নিৰন্তৰ॥
