এই পৃষ্ঠাটোৰ বৈধকৰণ হৈছে
অনুভৱৰ স্তৱক
(১)
মূলতঃ খেতিয়ক মই
কেতিয়াবা শস্যৰ
কেতিয়াবা শব্দৰ
ৰ’দেপোৰা ছালৰ তলত
আছে লৱণু স্পৰ্শ
শিলে খুন্দা দেহাত
জীয়ন দিওঁ নতুন সূৰ্য।
(২)
মাঘৰ ঠেঁটুৱৈ লগা জাৰত কঁপা
নিষ্পত্ৰ শিমলুজোপাত ফুলিল
অসংখ্য বগলীৰ বগা ফুল
কুঁৱলীৰ প্ৰাচীৰ ফালি
হঠাতে জিলিকি উঠিল
বেলিৰ তেজাল বোল।
(৩)
মৰিশালিত সপোনৰ চিতাভস্ম
দাঁতিৰ বাকৰিত ক্ৰীড়াৰত
এজাক কিশোৰৰ কিৰীলি
হ’ব নেকি সিহঁতৰো স্বপ্নভঙ্গ?
(৫)
শব্দৰে গঢ়িব পাৰোঁ
মনোহৰ হৰ্ম্য
এচপৰা ইটাও
মই নোৱাৰো সাজিব!
অনুচ্চ আৰ্তি/ ৫১
