এই পৃষ্ঠাটোৰ বৈধকৰণ হৈছে
কলম
বন্ধুৱে দিয়া চৌখিন কলমটো হেৰাল
বেয়া পোৱা নাই বৰ
বিচৰাও নাই বেছি।
তুমি চাগে’ ভাবিছা
কি মানুহ এওঁ
আখৰৰ খেতিয়ক হৈয়ো
কলম হেৰুৱায় নকৰে বেজাৰ।
কলমেৰে অঁকা আখৰী ছবিত
নুফুটে যদি
আত্মদাহী সময়ৰ টেৰাক’টা,
শিলীভূত মানুহৰ
হাহাকাৰ ৰেৱাজ
কিনো প্ৰয়োজন বিলাসী কলম তেনে
অক্ষম সম্ভবাৰ কেৱল
ধাৰণৰ সজল প্ৰয়াস।
দুখৰ খৰে পোৰা
মইযে মাটিৰ ল’ৰা
কলম হেৰাল বুলি নেলেখাকৈ
থাকো কি সতে
ডঁৰিয়লিৰ দাঁতিত গজা
খাগৰীকে সাৰ কৰি
কেঁহৰাজ, গো-মূত আৰু শিলিখাৰ চিঞাহীৰে
আঁকি যাওঁ
কুহুমীয়া ৰ'দৰ ছবি
সেয়ে বাসন্তী দিনৰ।
অনুচ্চ আর্তি/৪৫
