এই পৃষ্ঠাটোৰ বৈধকৰণ হৈছে
মেঘ
পানী দে মেঘ
দে পানী
এটুপি অমৃত পানী
লক্লক্ জিভাৰ নাচ হওঁক নিৰ্বাপিত
কণ্ঠত আছেহি জুৰি
পানীপিয়াৰ চতুৱা চিঞৰ।
নৈত জ্বলিছে জুই
এটুপি পানীৰ বাবে
ৰূপালী মাছবোৰে কৰিছে উজনি-ভাটি
সিপাৰে কঁহুৱা ফুলে পলসত
চিকুণ মঙহ খহে চপ-চপৰ
ইপাৰত।
কাতিৰ কুঁৱলীৰ দলঙৰ সিমূৰে
ভোকৰ এমুঠি ভাত
শোকৰ অমিয়া মাত
পদুমকলি সেলেঙি আঘোণ
কঁপিথকা জলছবি মাথোন
পানীদে মেঘ
এটুপি অমৃত পানী
তাকে খাই নুমুৱাও দুখৰ অগনি।
পানী দে মেঘ পানী
বলুকাৰ জঠৰত পুতিছোহি আজি
কাৰেঙৰ কমলাক আনি
গজিব বুলি অমিতাকলিয়া মানুহৰ
পো-পোৱালি।
৪৬/অনুচ্চ আর্তি
