পৃষ্ঠা:অঞ্জলি.djvu/৪৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৭
অঞ্জলি


তুমি মোৰ পূৰ্ণ আশা নীল গগনত,
তুমি মোৰ জীৱনী-জেউতি,
মাজে মাজে একো বেলি দেখা দিবা মোক,-
দিবা দেই কৰিছোঁ কাকূতি!

দুৰাশা

“অনাঘ্ৰাতং পুষ্পং কিসলয়মলূনং কৰকহৈ-
বনাবিদ্ধং ৰত্নং মধু নবমনাস্বাদিত ৰসম্‌।”

তোমাৰ মুখৰ কথা শুনিম আশাৰে গলো
 নেমাতিলা এষাৰিও মাত,
কোনেও নমতা দেখি থৰ লাগি চাই ৰলো
 তিনি প্ৰাণী তিনিও নিমাত।
ক’ব খোজা কথাষাৰি টিপতে লুকাব দিলা
 ঠাৰতে নিদিলা উলিয়াব,
কোনোবায়ো কয় বুলি নিচেই চঞ্চল হ'লা
 চকুল’কো নিদিছিলা চাব।