এই পৃষ্ঠাটোৰ বৈধকৰণ হৈছে
৮৬
অজামিল উপাখ্যান
নকৰিব পাপ সিটো চিতনী আহ্লাদে।
যদি বা তাহাৰ সিজে পাতেক প্ৰমাদে॥
হৰি নাম কীৰ্ত্তনে তেখনে হুইবে নাশ।
পাপী হেন বুলি তাৰ নছাপিবি পাশ॥
শুন দূতগণ কহো হেনসে বচন।
কৃষ্ণত একান্তে যিটো পশিল শৰণে॥
ঐৰ পৰা মহা মান্য কৰো নিতে নিত।
দেৱে সিদ্ধে তাহানেসে গাই গুণ গীত॥
তাসম্বাৰ নাছাপিবি সমীপ কিঙ্কৰ।
লগে ফুৰে কৌমুদকী গদা গোবিন্দৰ॥
পাই হাড় মুণ্ড গুৰি কৰিবে কোৱাই।
কহিলো স্বৰূপে তেবে মোত দোষ নাই॥
কালে কিছু অপকাৰ নপাৰে আমাৰ।
সিটো ভকতত নাই মোৰ অধিকাৰ॥
হেন জানি তাহাক দুৰতে পৰি হৰি।
আপোনাৰ প্ৰাণ ৰাখি ফুৰিবি অন্তৰি॥
যিটো জনে ফুৰে ৰাম নামক উচ্চৰি।
পাছে পাছে যান্ত কৃষ্ণ কৰে গদাধৰি॥
যেন ধেনুসে বাছুৰ পাছ লাগে।
ৰক্ষা কৰি ভক্তক ফুৰন্ত অনুৰাগে॥
