এই পৃষ্ঠাটোৰ বৈধকৰণ হৈছে
৮৪
অজামিল উপাখ্যান
পাপ প্রায়চিত ইটো কোন মোক্ষ কাম।
এহি জানি জানন্তায়ো নকহিলে নাম॥
আৰ এক অভিপ্ৰায় কহো শুন দুত।
পৰম ৰহস্য নাম ধৰ্ম্ম অদ ভুত॥
ইহাৰ মহিমা মাত্র জানে যিতো প্রাণী।
এতেকে মুকুতি পাৱে কৈলো সত্য বাণী॥
যেবে জানে জগতে নামৰ তত্ত্ব ভেদ।
পাই সবে মোক্ষ পদ সংসাৰ উছেদ॥
এহি বুলি নাম ধৰ্ম্ম নকৰি বিদিত।
জানিয়া আনেসে বিহিলেক প্রায়চিত॥
আৰ কিছু কথা আত বুলি বাক পাৰি।
জানিল নামক যিটো বেদক বিচাৰি॥
নকহিল তথাপি নামৰ তত্ত্ব মৰ্ম্ম।
উশ্চাৰিল ইটো প্রায়চিত ধৰ্ম্ম কৰ্ম্ম॥
যেন মহা ব্ৰহ্ম জ্ঞান ৰাখস দুষ্টৰ।
তেনয় দুষ্কৰ কাম কৰ্ম্মি মনুষ্যৰ॥
নাসে আন বচন মুখত সব হৰি।
ওঠক কৰালে যেবে বোলা ৰাম হৰি॥
নাহিকে মুখত নাম নুহিকে বিশ্বাস।
কৰ্ম্মীক দেখিবে বৃথাসে প্রয়াস॥
