এই পৃষ্ঠাটোৰ বৈধকৰণ হৈছে
৮১
অজামিল উপাখ্যান
ভাগৱত সাস্ত্ৰতো আছে ঠাই ঠাই।
সেহিলে পবিত্ৰ নাম সুমৰে সদায়॥
হোৱে শুদ্ধ যেবে একে নাম লৈলে মাত্ৰ।
পুৰ্ব্বত বিহিলে কিয় প্ৰায়ছিত সাস্ত্ৰ॥
বৃথায়ে বিহিলে তপ জপ তীৰ্থ চয়।
ছেদিয়োক প্ৰভু ইটো আমাৰ সংশয়॥
শুনি যম ৰাজা দিলা দুতক উত্তৰ।
একো নুবুজস তোৰা পৰম পাপৰ॥
নামৰ মহিমা শুনি নশহিলা গাৱ।
হৰিত অধিক আছে নামৰ প্ৰভাৱ॥
নামৰ দ্ৰোহিক হৰি নকৰন্ত ৰক্ষা।
ৰাখে হৰি দ্ৰোহিকো নামৰ হেন কক্ষা॥
আছিলন্ত মহিমা নাম এৰি আত খেদ।
শুন তোৰা সংশয়ৰ দিয়ো পৰিছেদ॥
ৰাম কৃষ্ণ নাম যিবা লৱে একবাৰ।
কোটি জনমৰ পাপ ভস্ম হোৱেতাৰ॥
আপুনি আগতে পাইলি সম্প্ৰতি প্ৰমান।
দ্বিজ অজামিল ছিল পাতকী প্ৰধান॥
নাৰায়ণ আই বুলি ডাকিলে পুত্ৰক।
অসত্য অশুদ্ধ চিত নাজানে কৃষ্ণক॥
