এই পৃষ্ঠাটোৰ বৈধকৰণ হৈছে
৭৮
অজামিল উপাখ্যান
দেৱৰ নিমিত্তে, নামক পুৰ্ব্বত,
গুপ্ত কৰিয়া থৈলা।
পদ্ম কলপত, ব্ৰহ্মা আৰাধন্ত,
নাৰায়ণে তাত কৈলা॥
কিছু কিছু কৰি, প্ৰবৰ্ত্তিল নাম,
কেন মহা ধৰ্ম্ম দেখা
নামৰ মহিমা, জানে যত লোক,
শুনা দেৱ তাৰ লেখা॥
ব্ৰহ্মা মহেশ্বৰ, প্ৰহ্লাদ নাৰদ,
কপিল কুমাৰ মুনি।
ভীষ্ম স্বায়ম্ভূব, ব্যাস সুত শুক,
জনকো জানা আপুনি॥
দৈত্য শুত বলি, মই যম ৰাজা,
মোৰ কিনো ভাগ্যোদয়।
এহি বাৰ জন, জানা ইটো ধৰ্ম্ম,
জানিবা ইটো নিশ্চয়॥
কোটি তপ তীৰ্থ, ঘটতো কৰিয়া,
নামেসে পবিত্ৰ কৰে।
যতেক শুনয়, তথাপি নামত,
বিশ্বাস কেহো নকৰে॥
