এই পৃষ্ঠাটোৰ বৈধকৰণ হৈছে
৭৭
অজামিল উপাখ্যান
ভকতক কৃপায়ে কলিত মহা হৰি।
যশ বিস্তাৰিলা দৈৱকীত অৱতৰি॥
কৃষ্ণৰ বাক্যত আবে কৰিও প্ৰত্যয়।
মৰিবাক হলে আক কৰিও নিশ্চয়॥
মৰণ সমল নাই বিনে হৰি নাম।
জানি নিৰন্তৰে নৰে বোলা ৰাম ৰাম॥
দুলৰি।
নিগদতি শুক, শুনা সৱধানে,
পৰীক্ষিত নৃপবৰ।
সম্বোধি দূতক, দুনাই যমৰাজা,
মহিমা কহো নামৰ॥
পৰম দুৰ্ল্লভ, মাধৱৰ নাম,
সংসাৰ সাগৰ নাৱ।
তিনিও লোকত, নাহি হেন যম,
নামৰ যেন প্ৰভাব॥
হেনবা বুলিবি, নামৰ মহিমা,
যদি যানন্তাৱো নাই।
আছে ইটো ধৰ্ম্ম, কিমতে জানিব,
শুনা তাৰো অভিপ্ৰায়॥
