এই পৃষ্ঠাটোৰ বৈধকৰণ হৈছে
৬১
অজামিল উপাখ্যান
অথিৰ জীৱন যেন বিজুলি চমক।
কেতিক্ষণে ধৰে দুতে দেখায়ে ঝমক॥
একেতিলে ইটো অৱগৰ্ব্ব হৈবে চুৰ।
দোৰ্ঘোৰ যাতনা ময় মহা যম পুৰ॥
ভুঞ্জাইবে যাতনা দুতে গাতত নিৰোধি।
নিচিন্তি আছা কেনে হত ভৈল বুদ্ধি॥
যিটো মনুষ্যৰ হৰিৰ পদে চিন্তা নায়।
অৱশ্যে হৈবেক সিতো বিষ্টা পলু ছায়॥
হেন জানি কৃষ্ণৰ চৰণে দিয়া চিত।
জানা হৰি ভকতেসে পৰলোক বিত॥
হৰি নাম সম নাই পৰম বান্ধৱ।
নাম উচৰিলে ৰাখি ফুৰন্ত মাধৱ॥
পৰম বিষয় নাম লৱে অনিছায়।
পাপত মুকুত হোৱে সিও সমুদায়॥
যমৰ কিঙ্কৰে আৰ তাহাকো নজাম্পে।
নামৰ ভয়ত মৃত্যু তৰতৰি কাম্পে॥
প্ৰথম কন্ধত তাক দেখিয়ো বিচাৰি।
নামেসে ধৰ্ম্মৰ ৰাজা অতি হিত কাৰি॥
জগত নিস্তাৰক মহা হৰি নাম।
জানি নিৰন্তৰে নৰে বোলা ৰাম মাৰ॥
