এই পৃষ্ঠাটোৰ বৈধকৰণ হৈছে
৫৩
অজামিল উপাখ্যান
এতেকে জানিলো মোৰ পুৰ্ব্ব পুণ্য আছে।
তাতেসে আচিলা মোৰ চাৰি সিদ্ধ কাছে॥
নাৰায়ণ নাম হেন আসিল জিভাত।
তাতেসে এৰাইলো ঘোৰ কিঙ্কৰৰ হাত॥
যেবে পুৰ্ব্ব পুণ্য মোৰ নাছিলেক হন্তে।
জিহ্বাত আছিল নাম কিসক মৰন্তে॥
অশুচি বেশ্যাৰ পতি পৰম পীতিত।
কোনে ৰাখিলেক নামে কিনো বিপৰীত॥
নাহি ধৰ্ম্ম সংসাৰত নামৰ সমান।
আজি প্ৰত্যক্ষতে তাক পাইলো প্ৰমান॥
চাৱে মোক বান্ধি যমদুত তিনি প্ৰাণী।
নৰকত পেলাইবে আজুৰি নেই তানি॥
নাৰায়ণ নাম মাত্ৰ লৈলো তাক চাৰি।
এতেকতে চাৰি পাৰিষদে নিলে কাঢ়ি॥
চাৰিৰো প্ৰসন্ন মুখ দেখিলো প্ৰত্যেক।
যমৰ দুতক দুঃখ দিলেক অনেক॥
পলাইল তেখনে তিনি দাৰুণ কিঙ্কৰ।
পৰম মহিমা কিনো হৰিৰ নামৰ॥
সাক্ষাতে শুনিলো চাৰি সিদ্ধৰ বচন।
নাম বিনে নাহি আন পাতক মোচন॥
