এই পৃষ্ঠাটোৰ বৈধকৰণ হৈছে
৪৬
অজামিল উপাখ্যান
শুনা কোনজন ৰুগীয়াৰ ইছানাই।
যেই সেই মতে পীহে মহৌষধি পায়॥
তথাপি গৰ্ভৰ ব্যাধী গুচে সমুদাই।
তেনই মহিমা জানা নামৰ নিশ্চয়॥
নজানে নামৰ গুণ শ্ৰদ্ধা নাহি তাত।
হৰি হেননাম উচাৰিলে অকস্মাত॥
তথাপিতো নামে দহে পাপ নিৰন্তৰ।
শুনিবা নামৰ কহোঁ আৰ পটন্তৰ॥
কোনো জনে নজানি বিষক কৰেপান।
হেনকি জানষ বিষে নলৈবেক প্ৰাণ॥
অমৃতক পীলে নজানিয়া যিতোনৰ।
সিকি নুহিবেক জানা অজৰ অমৰ॥
হৰিক সুমৰে দুষ্ট চিত্তে যিতো জন।
তাহাৰে হৰন্ত মহা পাপ নাৰায়ণ॥
নজানিয়া যিটো অগণিত দেই হাত।
তাহকো দহয় বহ্ণি কহিলো সাক্ষাত॥
কোটি কোটি জন্মে যত পাতক সঞ্চিল।
নাৰায়ণ বুলি বিপ্ৰে সবাকো বঞ্চিল॥
হেন ভকতক বান্ধ সাহ এত মান।
গদাৰে কোবায়া কিয় নলৈবোহো প্ৰাণ
