এই পৃষ্ঠাটোৰ বৈধকৰণ হৈছে
৪৪
অজামিল উপাখ্যান
হৰিৰ নামত নাই সিসব নিয়ম।
সমস্ত পাপৰ নাম কালান্তক যম॥
শৰীৰৰ মাত্ৰ প্ৰায়ছিতে পাপ হৰে।
নামৰ কীৰ্ত্তন পাপ সমূলে উভাৰে॥
নাথাকে পাপৰ বিৰ্য্য শুদ্ধ হোৱাচিত।
পুনৰপি পাতক নুপজে কদাচিত॥
বজিবি নামৰ ইটো হেনসে আশই।
পূৰ্ব্বাপৰে কৰি আছে যত পাপ চয়॥
সিসব পাতক একেতিলে হোৱে নাশ।
বাৰেক কৰিলে মাত্ৰ নামক অভ্যাষ॥
যেন চিৰকাল আছে ঘোৰ অন্ধকাৰ।
নষ্ট হোৱে প্ৰদীপ জালিলে এক বাৰ॥
নলঙ্ঘে পাতক দুনা নামৰ প্ৰভাৱে।
নাশে অন্ধকাৰ যেন দ্বীপ থাকেযাৱে॥
তেবেসে বাসনা গুচে চিতহোৱে শুদ্ধি।
সিহেতু সদায় স্মৰে যাৰ আছে বুদ্ধি॥
নাম উচৰন্তে নাই মুখত আলাশ।
সমস্ত পাতক হোবে তেখনে বিনাশ॥
সুনন্তে কৰ্ণত যেন অমৃত বৰিষে।
জানি সাধু সবে নাম নেৰে অহৰ্ণিশে॥
