এই পৃষ্ঠাটোৰ বৈধকৰণ হৈছে
৪২
অজামিল উপখ্যান
কৰিবে নপাৰে সবে সিমতে শুদ্ধিক।
হৰি নামে কৰে যেন পবিত্র বুদ্ধিক॥
যদি কোটি শত বাৰ কৰে প্ৰায়ছিত।
তথাপিতো পাপৰ পথত পৰেনিত॥
মনৰ মলক কৰ্ম্মে গুছাইতে নপাৰে।
হৰিৰ নামেসে পাপ সমুলি উভাৰে॥
আন ধৰ্ম্ম কৰ্ম্ম মানে সকলে বিৰোধ
হোৱে হৰি গুণেসে কীৰ্ত্তনে চিত শুদ্ধ
এতেকে মহন্ত সবে এৰি আন কাম।
ফুৰে মনে বান্ধি বন্ধু মাধৱৰ নাম॥
নাম একলৈলে কৰে পাপক উচন।
লৈলেক সমস্ত নাম দ্বিজৰ নন্দন॥
কোটি কোটি জনমৰ ভৈল প্ৰায়ছিত।
ইহাকে ধৰস তোৰা কিনো বিপৰীত॥
মৰন্তে লৈলেক নাম ইটো অজামিল।
আওৰ পুনৰপি একোপাপ নুপজিল॥
চিত আতি নিৰ্ম্মল পবিত্র ভৈল কায়।
আল ইটো বিপ্ৰৰ যমত কিবা দায়॥
তপ জপ তীর্থ বেদ বিধিৰ কিঙ্কৰ।
নামৰ কীৰ্ত্তন ইটো বিধিৰ ঈশ্বৰ॥
