এই পৃষ্ঠাটোৰ বৈধকৰণ হৈছে
৩১
অজামিল উপাখ্যান
চাৰিও জাতিৰ, যেন ধৰ্ম্ম তাক,
বেদেসে দি আছে সীমা।
দেখিও নেদেখে, প্রধান ধৰ্ম্মৰ,
বেদৰ শুনা মহিমা॥
যিটো নাৰায়ণ, পৰম ঈশ্বৰ,
পুৰুষ মহা মহন্ত ।
ব্রহ্মাদিকো যিটো, অজন্ত পালন্ত,
প্ৰলয়ত সংহাৰন্ত॥
তাহানে প্রথম, নিশ্বাসত আসি,
উপজে আপুনি বেদ।
এতেকে পৰম, প্রমান বেদেসে,
দিয়া যত পৰিছেদ॥
বেদো যিবা কহে, জানিবা সকলে,
কৃষ্ণৰেসে আজ্ঞা বাণী।
তাক ভঙ্গ কৰে, যিটো মহা পাপী,
তাক দন্দ কৰো আমি॥
হেনবা বুলিবা, ইটো বিপ্রে পাপ,
কৰিলে কিমতে দেখা ৷
আছে চৌধজন, সাখী মনুষ্যৰ,
শুনা দেয়ো তাৰ লেখা॥
