এই পৃষ্ঠাটোৰ বৈধকৰণ হৈছে
২১
অজামিল উপাখ্যান
চতুৰ্ভুজ ৰূপে পাৱে বৈকুণ্ঠ নগৰ।
আশ্চৰ্য্য মহিমা কিনো হৰিৰ নামৰ॥
নুহি প্ৰায়ছিত হৰি নামৰ সমান।
শুনা পূৰ্ব্ব কথা অজামিল উপাখ্যান॥
নামৰ আভাশ কৰে পাপক উছাদ।
শুনা বিষ্ণু দুত যম দুতৰ সংবাদ॥
কনৌজ পুৰত এক ব্ৰাহ্মণ আছিল।
অতি অনাচাৰ দ্বিজ নামে অজামিল॥
পৰম বেশ্যাৰ পতি পতীত পাপিষ্ট।
কৰিলেক মহন্তক অনেক অনিষ্ট॥
বৃদ্ধ পিতৃ মাতৃ নিজ তেজিলা ভাৰ্য্যাক।
সকল সৰ্ব্বস্ব দিয়া ভজিলে বেশ্যাক॥
জাতি কুল কৃয়া ধৰ্ম্ম সমস্তে ত্যাগিল।
বেশ্যাৰ গৰ্ভত দশ পুত্ৰ উপজিল॥
কনিষ্ঠ পুত্ৰৰ থৈলা নাৰায়ণ নাম।
ভাৰ্য্যা পুত্ৰ পুষিবাৰ কৰে মাত্ৰ কাম॥
খেলে চতুৰালি-মিছা মাতে অহঙ্কাৰী।
কৰে চুৰি ডকাইত মনুষ্যক মাৰি॥
স্ত্ৰি বধ ব্ৰহ্ম বধ একোৱে নছাৰে।
তাইকে মাত্ৰ দেই কাটি মাৰি যিবা পাৰে॥
