এই পৃষ্ঠাটোৰ বৈধকৰণ হৈছে
১৭
অজামিল উপাখ্যান
জ্ঞানৰ পথত, নাহিকে সহায়
কৰ্ম্মতো বিঘ্নিৰ ভয়।
ভকতি পথত, ঈশ্বৰ ৰক্ষক,
জানিবা যেবে নিশ্চয়॥
জ্ঞান কৰ্ম্মে কাকো, অপক্ষা নকৰি,
কৈৱলে ভকতি তাৰে।
ভকতি সহায়, নলৈ জ্ঞান কৰ্ম্মে,
কৰিবে কিছু নোৱাৰে॥
হৰিৰ ভকতি, যি নৰে নকৰে,
পৰম মলিন বুদ্ধি ।
কৰে কোটি শত, যদি প্রায়শ্চিত,
তথাপিতো নাই সুদ্ধি॥
যেন সুৰা কুম্ভ, সমস্ত তীৰ্থত,
পখালি সি পাৱে দুখ।
নুহিকে কিঞ্চিত, পবিত্ৰ তথাপি,
তেনয় হৰি বিমুখ॥
এক মাত্র মাত্র, কৃষ্ণ চৰণত,
কৰাইলে মন নিবেশ।
এতেকে সকলে, ভৈল প্ৰায়শ্চিত,
গুছিল পাপ নিশেষ॥
