নিমাতী কইনা, নাহাঁহি মইনা

ৱিকিউৎসৰ পৰা
Jump to navigation Jump to search
নিমাতী কইনা, নাহাঁহি মইনা
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


নিমাতী কইনা
নাহাঁহি মইনা!
ক’ত থৈ আহিলা
            চেনেহৰ মইনা মাত?
চেনেহৰ মইনা নুবুলি কইনা
            চেনেহৰ মইনা মইনা মাত৷

দীপ্‌লিপ্‌ কুঁৱৰী
কাকে আছা সুঁৱৰি
মাতোঁ মাতোঁ চকুযোৰে
            কাকেইবা চায়!

সোণৰ জাপি পিন্ধি
            ফুলাম ছৈৰ নাৱতে
আহি ৰূপকোঁৱৰে
            হাঁহিটি মাৰিবহি
            বীণখনি বাই!
ৰূপৰে কুঁৱৰীৰ
মাত ফুটা নাই
আহা ৰূপকোঁৱৰ অ’
            আহা বেগাই৷৷