জোনোৱালী নিশাৰ ৰূপোৱালী

ৱিকিউৎসৰ পৰা
Jump to navigation Jump to search
জোনোৱালী নিশাৰ ৰূপোৱালী
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জোনোৱালী নিশাৰ
              ৰূপোৱালী পোহৰে
চকুৰ পাহিত
            কাৰ ছবি আঁকি যায়!
জিক্‌মিক্‌ জিক্‌মিক্‌
            কাৰ সোণ পখিলাই
                        নাচি নাচি
                                    আহি
            ৰুণকজুণুককৈ
                        নূপুৰ বজায়৷
পাখি কৰে ৰুণ্‌ ৰুণ্‌
গান গায় গুণ্‌ গুণ্‌
            হাঁহি হাঁহি
            দেখুৱাই
অঁকাবকা চকামকা
            ৰঙা সপোন৷৷