জোনৰ জোনাক ভাল পোৱা

ৱিকিউৎসৰ পৰা
Jump to navigation Jump to search
জোনৰ জোনাক ভাল পোৱা
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জোনৰ জোনাক ভাল পোৱা
            পখিলা এটা আছে
জোন দেখিলে
            উৰি উৰি
                        ফুৰ্‌ফুৰ্‌কৈ নাচে৷
বেলি দেখিলে
            পাতৰ আঁৰত
জোন দেখিলে
            আপোন সুৰত
নিশা ফুলা শেৱালি ফুলক
            চুবকে’ মৰম যাচে
গোটেই ৰাতিটো মৌ বিচাৰি
            পুৱতিলৈ সাঁচে৷
সি হিমৰ টোপাল পিন্ধিবলে’, বৰ ভাল পাই
            সেইহে নিশা ফুৰিবলৈ যায়৷৷