অকলশৰীয়া বুলি কোনে ক’লে

ৱিকিউৎসৰ পৰা
Jump to navigation Jump to search
অকলশৰীয়া বুলি কোনে ক’লে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

অকলশৰীয়া বুলি কোনে ক’লে ?

মিছাকৈয়ে মুকুতাৰ ধাৰে ব’লে

চকুলো তোৰ

পোহৰ বিচৰা প্ৰাণৰ ব’ৰাগী মোৰ ৷


তোৰ ভিতৰে বাহিৰে আছে

তাকে আঁকোৱালি

তোৰ চিৰসখা চিৰসুন্দৰ


তোৰ, প্ৰাণে মনে ব্যাপি আছে

তোৰ চিৰলগৰীয়া

যুগ যুগান্তৰ ৷


ৰূপে ৰসে গানে গন্ধে

সুৰ-শবদৰ ছন্দে ছন্দে

বিচিত্ৰ প্ৰবন্ধে

তোৰে সতে কত কথা তাৰ


অনন্ত সংখ্যাত যি এটি ৰূপ ধৰে

সিয়ে তোৰ লগৰীয়া

পুৱা দুপৰীয়া সন্ধিয়াৰ

আঁউসী নিশাৰ ৷৷