জীৱনত যদি জ্বলা নাই তোৰ
Jump to navigation
Jump to search
| ←জীৱনত যত গান গালোঁ | জীৱনত যদি জ্বলা নাই তোৰ লেখক |
অকলশৰীয়া বুলি কোনে ক’লে→ |
| জ্যোতি সংগীত |
জীৱনত যদি জ্বলা নাই তোৰ
নবীন অগ্নি শিখা
জনতাৰ যদি কপালত তই
এতিয়া দেখা নাই
অৰুণৰ সেই জ্বলন্ত হাঁহিৰে
প্ৰদিপ্ত ভাগ্যলিখা ৷
প্ৰগতি বাটৰ বাটৰুৱা বুলি
কৈ নুফুৰিবি তই
পোহৰে মাটিক নতুন মন্ত্ৰ
শুনোৱা শুনিছোঁ মই ৷
হেৰ, আত্মপ্ৰবঞ্চক
হেৰ, নিজৰ মনত প্ৰতিভাত হোৱা
মহা মহত্বৰ
তই নিজেই নিৰ্য্যাতক ৷
তোক মই চিনি পাওঁ
মুখা পিন্ধা তোৰ ছলাহী কথাত
আৰুতো ভোল নাযাওঁ ৷
মই বীণ বাই জনতাক গৈ ক’ম
পদূলিত গৈ গধূলি বেলিকা ৰ’ম ৷৷