জীৱনত যত গান গালোঁ

by জ্যোতিপ্ৰসাদ আগৰৱালা

←জিলিকা পাখিৰে অ’‎

জীৱনত যত গান গালোঁ লেখক জ্যোতিপ্ৰসাদ আগৰৱালা

জিৰ-জিৰ জিৰ-জিৰ নিজৰি→

জ্যোতি সংগীত

জীৱনত যত গান গালোঁ
            সেই গানবোৰে মোক
                         ঘূৰি আহি সুধিলে
                         নতুন দিনৰ বাবে
        মোৰ কবিটিয়ে বাৰু কাক লিখিলে?

হুমুনিয়াহ পেলাই
        মই কাকো লিখা নাই বুলি ক’লে কবিটিয়ে
               কাকো লিখা নাই
               তহঁতেই ঘুৰি আহি
                      নতুন দিনৰ বাবে
                            লিখিছ সদায়৷

             মই আৰু গানো গোৱা নাই
                    গানো লিখা নাই৷৷