জানো জানো জানো বিফলে নাযায়

ৱিকিউৎসৰ পৰা
Jump to navigation Jump to search
জানো জানো জানো বিফলে নাযায়
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জানো জানো জানো
বিফলে নাযায় মোৰো গানো৷
মোৰ য’ত অশ্ৰুজল
            তীৰ্থ জলেৰে মিলি
            উজলিব পৃথিৱীৰ
            কোষায় কোষায়
                        জানো জানো জানো৷

মোৰ যত অভিনৱ গান
বিকশিত কমলৰ গন্ধ সমান
                        জানো জানো
                        জগাব সি বিশ্বৰ প্ৰাণো৷
অকলশৰীয়া সেই পুৱতিৰ তৰা
আপোনাৰ গানতেই আপুনি বিভোৰা
            ঊষাৰ কোলাতৰ মাৰ যায়
            পোহৰত হাঁহিটি মিলাই
                        জানো জানো জানো
                        বিফলে নাযায় তাৰো গানো৷

জাগা অভিনৱ ছন্দে
            মৌন মুগ্ধ যত শব্দ কমল দল
                        কণ্ঠে কণ্ঠে অৰ্ব্বুদ বৃন্দে
জাগা অমৃত সুৰবাণী পৰমানন্দে৷৷