জানো জানো জানো বন্ধু

ৱিকিউৎসৰ পৰা
Jump to navigation Jump to search
জানো জানো জানো বন্ধু
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জানো জানো জানো বন্ধু
            মোৰ, সকলো গানৰ আলাপন
মোৰ, সকলো সুৰৰ সকলো বিলাপন
                        নবাভিনৱ গুঞ্জন
                                    কুঞ্জন
ছন্দৰ মোৰ
            বিৰহ নিশাৰ
                        আকুল উদ্‌যাপন
            সকলো এদিন সকলো হব
                        তোতেই সমাপন৷
                        তোতেই সমাপন৷

চিৰ আন্ধাৰ আঁতৰি যোৱা
            কোনোবা অৰুণ পুৱা
ফেনে ফোটোকাৰে
            উতলি উঠিব
                        জিনিব আলোক-ছাঁয়া
            মোৰ চিৰজীৱনৰ সকলো ভালপোৱা৷
                        বিশ্ববিয়পা ৰামধেনু হৈ
                                    ফুলিব মোৰ
                                    জ্বলিব মোৰ মন

            মোৰ, সকলো গন্ধৰ
                        অন্ধ দৰ্শনৰ
                                    ব্যাকুলতাই
                                    আকুলতাই
                                                বিচাৰি ফুৰে
                                                            তোৰেই পৰশন
                                                            তোৰেই দৰশন
                        সকলো এদিন, সকলো এদিন
                                                তোতেই সমাপন৷
জানো জানো জানো বন্ধু!